பாடக்குறிப்புகள் | 11.05.2020 முதல் நாள் | பழ மரபு நாடகங்கள்

பழமரபு நாடகங்கள்

பேராசிரியர் கோ. பழனி,

தமிழ் இலக்கியத்  துறை

சென்னைப் பல்கலைக்கழகம்

கற்றல் கற்பித்தல் மற்றும் நிகழ்த்தல் நோக்கில் பழமரபு நாடகங்கள்

·            தமிழோடு ஒருங்கு வைத்து எண்ணத்தகும் உயர்தனிச் செம்மொழிகளான கிரேக்கம், இலத்தீன், சமஸ்கிருதம் உள்ளிட்ட மொழிகளில் உள்ள முழுமையான நாடகப் படைப்பைப் போன்று - அவற்றிற்கு இணையான காலங்களில் - உருவான நாடகப் படைப்பு தமிழில் உள்ளனவா? எனில், எதையும் கைகாட்டும் நிலையில் நாம் இல்லை. ஈஸ்கைலஸ் (கி.மு. 525 - 456), சோபாக்ளிஸ் (கி.மு. 497 - 405), யூரிபிடிஸ் (கி.மு. 485 - 406) போன்ற மாபெரும் கிரேக்கத் துன்பியல் நாடக ஆளுமைகளால் அளிக்கப்பட்ட படைப்புகளைப் போல, தமிழில் தொன்மையான நாடகப் படைப்பென்று எதுவொன்றையும் நம்மால் இனங்காண முடியவில்லை.

      அகத்தியம், சிகிண்டி, பேரிகை, நாரை, குருகு, சயந்தம், முறுவல், குணநூல், செயிற்றியம், தண்டுவம், நந்தியம், பண்ணிசை, தக்கம், தாளம், தண்ணுமை போன்ற ஏராளமான நாடக இலக்கண நூல்கள் தமிழ் மொழியில் இருந்துள்ளன எனும் பதிவுகள் கிடைக்கின்றன. ஆனால், அந்நூல்கள் எவையும் முழுமையாகக் கிடைக்கவில்லை.

சங்க இலக்கியத்தில் பேசப்படும் குரவை, துணங்கை, வரி, வெறியாட்டு போன்ற கூத்து வடிவங்களும் நம்மிடம் தொன்மையான நிகழ்த்தல் மரபுகள் இருந்தன என்பதை உறுதி செய்கின்றன.

        சங்க இலக்கியம் சுட்டும் கோடியர், வயிரியர், கண்ணுளர், விறலி, கூத்தர், பொருநர், பாணர் ஆகியோரும் இசைஞர்களாக, கூத்துக் கலைஞர்களாக இனங்காணப்படுகின்றனர். ஆற்றுப்படை நூல்கள் பல்வேறு இசை மற்றும் ஆட்ட மரபினரின் வாழ்வியலைச் சங்க காலப் பின்புலத்தில் பேசுகின்றன. கலித்தொகைப் பாடல்கள் நாடகப் பாங்கில், இரண்டிற்கும் மேற்பட்ட கதாப்பாத்திரங்களைக் கொண்டும் தன்மை நிலையில் நின்று வாசகரோடு நேரிடையாக உரையாடும் பாங்கிலும் அமைந்துள்ளமை குறிப்பிடத்தக்கதாகும். 

பழந்தமிழ் நாடக மரபுகளை வசதிக்காகப் பின்வருமாறு வகைப்படுத்தலாம்:

·         கூத்து / நாடகம்

·         இசை / ‘ஸ்பெஷல்’ நாடகங்கள்

·         சபா நாடகங்கள்

·         தெருக்கூத்து

மேற்கண்டவற்றின் நிகழ்த்து கூறுகளைப் பின்வருமாறு வகைப்படுத்தலாம்:

·         கதை / நிகழ்த்துப் பனுவல்

·         நிகழ்த்துநர், நடிகர் மற்றும் மெய்ப்பாடுகள்

·         ஆடுகளம் மற்றும் மேடைப்பயன்படு பொருள்கள்

·         இசை மற்றும் ஒப்பனை மரபுகள்

·         ஒலி, ஒளி மற்றும் பார்வையாளர்

மேற்சுட்டிய நாடக – நிகழ்த்தல் மரபுகள் பல்வேறு நிகழ்த்து கூறுகளை உள்ளடக்கி இயங்குகின்றன. கற்போருக்கு செய்முறையோடு விளக்கிக் கற்பிக்கும் போது அது அவர்களின் படைப்பாளுமையையும் வளர்த்தெடுக்கும்.

உசாத்துணை:

அம்மன்கிளி முருகதாஸ்.,    ஈழத்துத் தமிழ் நாடக அரங்கப் பாரம்பரியம், குமரன் புத்தக இல்லம், 2007.

அழகப்பன் ஆறு.,                  தமிழ் நாடகம் தோற்றமும் வளர்ச்சியும், அண்ணாமலைப் பல்கலைக்கழகம், அண்ணாமலை         நகர், 1987.

இராமசுவாமி மு.,                  தமிழ் நாடகம் ‘நேற்று இன்று நாளை’, ருத்ரா பதிப்பகம், தஞ்சாவூர், 1988.

சண்முகம் தி.க.,                     எனது நாடக வாழ்க்கை, வானதி பதிப்பகம், சென்னை, 1972.

----------,                                   நாடகக்கலை, அவ்வை பதிப்பகம், சென்னை, 1976.

சம்பந்த முதலியார் ப.,          நாடக மேடை நினைவுகள், உலகத்தமிழாராய்ச்சி நிறுவனம்,                                                          சென்னை, 1998.

சிவத்தம்பி கா.,                      பண்டைத் தமிழ்ச் சமூகத்தில் நாடகம், குமரன் பதிப்பகம், சென்னை, 2004.

பகவதி கு. (பதி.).,                 தமிழ் மேடை நாடக வரலாறு, உலகத் தமிழாராய்ச்சி நிறுவனம், சென்னை, 2001.

பழனி கோ (பதி.).,                பம்மல் சம்பந்த முதலியார்: தமிழ் நாடக வரலாறு - நடிப்பு முறையியல்,             நெய்தல் பதிப்பகம், சென்னை, 2016.

பழனி கோ.,                           தமிழ் நாடகக் கூறுகளின் வரலாறு, சந்தியா பதிப்பகம் சென்னை, 2019.

About the Speaker:

Dr. G. PALANI

Working as Professor and Head, Department of Tamil Literature, University of Madras. I Published 46 research Papers, 32 Books till now. And also I Presented 82 research papers in various Conferences and Seminars. I produced 76 M.Phil Scholars and 16 Ph.D Scholars from the period of 2004-2019. I completed Two UGC Major Research Project. I am an Actor, Musician, Director in the Tamil Modern Theatre filed from 1989. From 2015 we started ‘Mugangal’ (A Campus Theatre Group) for Tamil Literature Department students, University of Madras.